Bu gün Bakı Əl Oyunları sarayında I Bakı Kitab Sərgisi açılıb.
Uvertura.az xəbər verir ki ,Mədəniyyət Nazirliyi və Azərbaycan Nəşriyyatları Assosiasiyası İctimai Birliyinin (ANAİB) təşkilatçılığı ilə keçirilən sərginin açılışında ictimai-siyasi xadimlər, ədəbiyyat adamları və naşirlər iştirak ediblər.
Sərgi 19–22 dekabr tarixlərində keçiriləcək və “Yeni ilə yeni kitablarla” şüarı altında təqdim olunacaq.
Yeni il əhval-ruhiyyəsində keçirilən I Bakı Kitab Sərgisində minlərlə kitab 90%-dək endirimlə təqdim olunacaq. Eyni zamanda, onlarla yazıçı və şairin imza mərasimləri, məşhurlarla görüşlər, şeir saatları, uşaqlar üçün nağıl saatları və digər tədbirlər təşkil ediləcək. Sərgi salonunda uşaqlar üçün qiraət saatları və səhnəciklər də nəzərdə tutulub.
