Bakıda “Nine Senses” incəsənət mərkəzi və “Bizimkilər” innovativ layihəsinin dəstəyi ilə İlk Yaradıcı Psixologiya Simpoziumunun ikinci günü keçirilir.
Uvertura.az xəbər verir ki, iki gün davam edən tədbir çərçivəsində yaradıcı psixoterapiya sahəsində aparıcı mütəxəssislərdən ustad dərsləri təşkil olunub.
Yaradıcı Psixologiya Simpoziumu art-terapiya, poeziya terapiyası, yoqa və digər istiqamətləri əhatə edir. Məhz bu istiqamətlərdən səhiyyə, təhsil və sosial kimi sahələrin inkişafında istifadə olunur.
“Bizim üçün bu hadisə çox orqanikdir, çünki biz bu layihənin təşəbbüskarları ilə eyni şeyi edirik. Biz bütöv, sferik baxımdan inkişaf etmiş bir insan yaradırıq”, – “Nine Senses”in direktoru Natalya Jukova bildirib.
Simpoziumun təşkilatçılarından biri Lalə Ələkbərova isə belə bir tədbirin keçirilməsi ideyasının necə yaranmasından bəhs edib.
“Simpozium keçirmək ideyası mənim yox, Elnur Hacıyevin ağlına gəlib. O, klinik psixoloq, həkimdir. Bütövlükdə dünyada art-terapiya praktikası var. Amma şəhərimizdə belə olub. Amma şəhərimizdə indiyədək bütün bunlar vahid formada deyildi”, – o qeyd edib.
L. Ələkbərova bu simpoziumun yaradıcılığın beş istiqamətinə həsr olunduğunu vurğulayıb: “Tədbirin dünənki və bugünkü mövzusu səs və musiqidir. Bu rəqs və hərəkət, həmçinin yoqadır. Biz proqramı iki günə məhz belə böldük. Bizimlə əla mütəxəssislərimiz var. Onlar danışırlar, göstərirlər, kollektiv məşqlər edirlər”.
Qeyd edək ki, “Nine Senses”də fiziki və mənəvi təcrübələr festivalları, seminarlar, müasir incəsənət üzrə mühazirələr keçirilir. Burada həmçinin incəsənət və yaradıcılıq sahəsində keyfiyyətli təhsil verilir. İnkişaf proqramlarına kompüter animasiyasından, mobil loqolardan yoqa və meditasiyaya qədər istiqamətlər daxildir.
