Bu gün Xalq artisti, Azərbaycan teatr və kino aktyoru Vaqif Əliyevin anadan olmasının 84-cü ili tamam olur.
Xalq artisti Vaqif Əliyev 1940-cı ilin iyulun 31-də Bakıda anadan olub. O, 1958-ci ildə Azərbaycan Dövlət Dram Teatrında əmək fəaliyyətinə başlayıb, əvvəlcə kütləvi səhnələrdə, sonra epizodik rollarda səhnəyə çıxıb. 1962-ci ildə M.Ə.Əliyev adına Teatr institutuna daxil olub. 1968-ci ildə təyinatla Sumqayıt Dövlət Dram Teatrına göndərilən Vaqif Əliyev 33 il burada fasiləsiz aktyor kimi çalışaraq 100-dən artıq tamaşada müxtəlif obrazlar yaradıb. 1990-cı ildə sənətkara “Əməkdar artist” fəxri adı verilib. 2000-ci ildə Bakı Bələdiyyə Teatrında çalışıb. Filmlərə çəkilib. Vaqif Əliyev “Azərbaycan Respublikasının Xalq artisti” fəxri adına layiq görülüb.
Azərbaycan teatr və kino aktyoru Vaqif Əliyev 2021-ci ildə vəfat edib.
