Dünyaşöhrətli məşhur amerikalı skripka ifaçısı və rəqqasə Lindsey Stirling İstanbulda konsert proqramı ilə çıxış edib.
Uvertura.az xəbər verir ki, o, “Game of Thrones” üçün bəstələdiyi musiqilər sayəsində Türkiyədə pərəstişkar kütləsini genişləndirib.
Musiqiçi elektronik və dubstep tərzindəki mahnıları ilə yanaşı, klassikləri də paylaşıb. Ən məşhur mahnılarını rəqs performansı ilə ifa edən Stirling-i nağarada Drew Steen, gitarada Rayan Riveros müşayiət edib. Stirling 1.5 saat ərzində dinləyicilərinə çoşqulu anlar yaşadıb. “Bu möhtəşəm ölkəyə məni təkrar gətirdiyinizə görə hamınıza təşəkkür edirəm”, – deyə o, bildirib.
