“Mystery Ensemble” beynəlxalq musiqi layihəsində iştirak edən musiqiçilər Bakı sakinlərinə və şəhərin qonaqlarına dahi bəstəkar Volfqanq Amadey Motsartın əsərlərinin yer aldığı “Kiçik gecə serenadası” adlı yeni proqramı təqdim ediblər.
Konsert Azərbaycanın, Böyük Britaniyanın, Avropanın, Rusiyanın və digər ölkələrin qədim malikanələrində, damlarda, istixanalarda, planetariumlarda və digər ən çox atmosferli yerlərdə mədəni tədbirləri təqdim edən “RED EVENTS & Distribution lt”yaradıcılıq agentliyi tərəfindən təşkil olunub.
Uvertura.az xəbər verir ki, musiqiçilərin yenilənmiş tərkibi bu dəfə dinləyiciləri XVIII əsrə aparıb, onları Motsartın divertissiyalarının yüzlərlə şamın sayrışan işığında səsləndiyi salon ab-havasına qərq edib. İki skripka, viola, violonçel və kontrabas üçün aranjimanlanmış, sanki bəstəkarın özünün sözlərini təsdiqləyən “Mystery Ensemble” kvintetinin məharəti sayəsində ifa olunan əsərlərin hər biri Motsartın fikirlərinin unikallığını vurğulayırdı: “İnsan bir mahnı ifa etməlidir. Elə etməlidir ki heç bir şeyi atlamadan və dəyişdirmədən müəyyən bir sürətlə musiqi parçasını təqdim edərkən ifadə tərzi və zövqü ilə ifa edilən melodiyanı tamaşaya uyğun, bir sözlə, dinləyicinin ifaçını müəlliflə səhv saldığı bir formada nümayiş etdirsin”.
Peşəkar ifaçıların əlində olan simli alətlər öz əsərləri ilə əsl klassik musiqi erasının başlanğıcını qoyan o dövrün novatorunun musiqi ifadələrinin hər bir birləşməsində sezilən sehri çatdırırdı. Ən müxtəlif janrları və formaları Motsart kimi parlaq şəkildə mənimsəyən başqa bəstəkar tapmaq mümkün deyil: bu, simfoniya və konsertə, divertimento və kvartetə, opera və messeyə, sonata və trioya aiddir.
Pyotr İliç Çaykovski Avstriya bəstəkarının çoxşaxəli yaradıcılıq irsi haqqında bu sözləri demişdi: “Mənim dərin inamımda Motsart musiqi sahəsində gözəlliyin yüksəldiyi ən yüksək kulminasiya nöqtəsidir”.
Konsertdə, həmçinin XX əsrin bəstəkarlarının – britaniyalı minimalist Maykl Nayman, Don Covanninin əsərləri və müasir klassik, günümüzün ən çox ifa olunan müəlliflərindən biri, sözün əsl mənasında “Motsart” əhvali-ruhiyyəsi ilə hopmuş Pavel Karmanovun “Queretet”i səsləndi.
