“Netflix” striminq xidməti aktrisa Cennifer Lopesin baş rolda oynadığı “Atlas” adlı elmi-fantastik filmin tam treylerini buraxıb.
Uvertura.az xəbər verir ki, video “Netflix”in rəsmi “YouTube” kanalında mövcuddur.
“Atlas” filminin süjeti birgə sirli keçmişinin olduğu qaçaq robotu izləmək üçün süni intellektlə birləşməli olan Atlas Şeferd adlı tədqiqatçı barədədir. Rollarda, həmçinin Simu Lü, Sterlinq K.Braun, Mark Stronq və digər istedadlı aktyorlar yer alıblar.
Filmin rejissorluğunu “Rempeyc” filmi ilə tanınan Bred Peyton edib, ssenarisi isə məşhur “Qəhrəmanlar” serialındakı işi ilə tanınan Aron Eli Koleyə məxsusdur.
