NASA-nın rəhbərliyi altında, Avropa Kosmik Agentliyi (ESA) və Kanada Kosmik Agentliyinin (CSA) dəstəyi ilə hazırlanan James Webb Kosmik Teleskopu (JWST) “Şlyapalı Qalaktika” kimi tanınan NGC 4594-ün yeni şəkillərini paylaşıb
Uvertura.az xarici mediaya istinadən xəbər verir ki, 1781-ci ildə Pierre Méchain tərəfindən kəşf edilən NGC 4594 onu əhatə edən toz halqası ilə tanınır və formasına görə Sombrero (Meksika papağı) və ya “Şlyapalı Qalaktika” ləqəbi ilə adlanır
Əvvəllər Hubble Teleskopu tərəfindən müşahidə edilən bu qalaktika indi James Webb Kosmik Teleskopu (JWST) sayəsində daha ətraflı şəkildə araşdırılıb. Yeni məlumatlar qalaktikanın quruluşu ilə bağlı gözlənilməz nəticələr ortaya çıxarıb.
əvvəl qalaktikanın toz həlqəsində ulduz üçün əmələgəlmə mərkəzlərinin tapıla biləcəyi fərz olunmuşdu. Lakin JWST’nin yeni məlumatlarına əsasən bunun əvəzinə molekulyar qaz qruplarının mövcudluğu müşahidə edildi
Bu kəşf qalaktikanın mövcud halqası haqqında əvvəlki anlayışları kökündən dəyişdi.
Qalaktikanın mərkəzinə dair köhnə təxminlərə görə orada ulduzların sıx ərazisinin tapılacağını gözlənilirdi. Lakin, JWST-dən alınan görüntülər bu bölgədə düz bir diskin olduğunu və qalaktikanın qara dəliyinin daha az parlaqlığa malik olduğunu ortaya qoydu. Bu, qalaktikanın mərkəzi haqqında yeni bir anlayışın yaranmasına səbəb oldu
Qeyd edək ki, James Webb Teleskopu bundan əvvəldə göndərdiyi məlumatlar nəticəsində araşdırmaçıların fikirlərini dəyişdirmişdir
Belə bir nəticəyə gələ bilərik ki, JWST tərəfindən göndərilən bu yeni məlumat qalaktikalar və ulduzların formalaşması haqqında olan fikir, fərziyə və nəzəri yanaşmaları kökündən dəyişə bilər.
Araşdırdı: Səid Məmmədov
