İstanbulda qanunsuz mərc oyunları ilə bağlı aparılan istintaq çərçivəsində iş adamı Acun Ilıcalı və bir sıra digər şəxslər haqqında ittiham aktı hazırlanıb.
Uvertura.az Türkiyə mediasına istinadən xəbər verir ki, ttiham aktında TV8 və “Exxen” platformalarında yayımlanan futbol matçları zamanı qanunsuz mərc saytlarının reklam edildiyi iddia olunur.
İstanbul Cümhuriyyət Prokurorluğu bu iddialar əsasında Acun Ilıcalı da daxil olmaqla, şübhəlilərin 1 ildən 3 ilə qədər həbsini tələb edib.
İttiham aktı məhkəməyə təqdim edilib. Məhkəmə aktı qəbul edərsə, Acun Ilıcalı və digər şübhəlilər mühakimə olunacaqlar.
Xatırladaq ki, ötən il İstanbul Cümhuriyyət Prokurorluğu Acun Ilıcalı haqqında qanunsuz mərc oyunlarının reklamı və təşviqi iddiaları əsasında araşdırmaya başlayıb.
