Aprelin 8-də Müslüm Maqomayev adına Azərbaycan Dövlət Akademik Filarmoniyasının səhnəsində Üzeyir Hacıbəyli adına Azərbaycan Dövlət Simfonik Orkestrinin konserti olacaq.
Uvertüra.az xəbər verir ki, Filarmoniyadan bildirilib ki, orkestr dirijor Murtuza Bülbülün rəhbərliyi altında çıxış edəcək. Proqramda Lüdviq Van Bethoven “Eqmont” uvertürası, Edvard Qriqin “Per Günt” süitası No. 1, Ferents Listin “Prelüdlər” simfonik poeması, Modest Musorqskinin “Keçəl dağda gecə” simfonik lövhəsi (işləyəni Nikolay Rimski-Korsakov), Pyotr İliç Çaykovskinin “Qu gölü” baletindən süita səslənəcək.
Qeyd edək ki, Murtuza Bülbül Azərbaycan peşəkar vokal məktəbinin banisi Bülbülün nəvəsi və görkəmli müğənni və bəstəkar, Azərbaycanın Rusiyadakı səfiri, Xalq artisti Polad Bülbüloğlunun oğludur.
