Uvertüra.az bu günün dedi-qodu mövzusu olan şou-biznes xəbərlərindən yazacaq. Birinci xəbər odur ki, aktrisa Demet Özdemir müğənni partnyoru Oğuzhan Koç ilə 8 aylıq evlilikdən sonra boşanır. Bildirək ki, onlar iki il sevgili olublar və 2021-ci ilin avqustunda nikahlanıblar. Boşanma haqqında xəbəri isə aktrisa özünün Instagram stories-ində paylaşıb.
İkinci bir xəbər isə məşhur və sevilən Türkiyəli müğənni Sılanın Bakı konserti ilə bağlıdır. Belə ki, müğənninin aprelin 24-də Bakı Konqres Mərkəzində yenidən pərəstişkarları ilə görüşəcəyi qeyd edilib.
Növbəti xəbər Türkiyəli aktrisa, “Yasak Alma” serialı ilə yaddaqalan Eda Ecenin evlənməsi ilə bağlıdır. Təxminən 5 ilə yaxındır bir yerdə olan aktrisa və Buğrahan Tuncer iddialara görə iyunun 24-də evlənəcəklər. Toy hədiyyəsi olaraq isə Tuncer Edaya Bodrumda lüks bir villa alıb, dəyəri isə 30 milyon TL-dir.
