Mayın 8-də sabiq ingilis futbolçu David Beckham özünün rəsmi Facebook səhifəsində adaşı, məşhur ingilis bioloq David Attenborough-nu doğum günü münasibətilə təbrik edib.
Uvertüra.az xəbər verir ki, mesajında onun adını işarəliyərək “Doğum günün mübarək, cənab” qeyd edib. Maraqlısı budur ki, o təbrik mesajının yanında qeyd etdiyi ürəyi David-in təbiət aşiqi olduğunu bilərəkdən yaşıl ilə əlavə edib.
Qeyd etmək yerinə düşər ki, David Attenborough həm də BBC-nin tanınmış aparıcılarından biridir və mayın 8-də isə 97 yaşını qeyd edib. O, əsasən heyvan və bitkilərin gizli tərəflərini çəkib insanlara nümayiş etdirir və onun bu sahədə onilliklərlə təcrübəsi var. Onun ana təbiətin öyrənilməsində misilsiz xidmətləri vardır, istər dünyanın, istərsə də ingilislərin ürəyində xüsusi yeri danılmazdır.
Yaşının çox olmasına baxmayaraq David bu gün də fəaliyyətinə davam etməkdədir.
