Mayın 27 –dən iyunun 4-dək İçərişəhərdə V Milli Kitab Sərgisi keçiriləcək. “İçərişəhər” Dövlət Tarix-Memarlıq Qoruğu İdarəsinin təşkilati dəstəyi və müstəqil nəşriyyatların iştirakı ilə keçirilən sərgi Qoşa qala qapısından Həsən bəy Zərdabi heykəlinə qədər geniş meydanı əhatə edəcək.
Uvertüra.az xəbər verir ki, sərgi çərçivəsində təqdimatlar, müzakirələr, panellər, görüşlər və imza günləri keçirmək üçün Bakı Foto evi, Maqsud İbrahimbəyovun ev-muzeyi və Həsən bəy Zərdabi dəhlizi iştirakçıların ixtiyarına veriləcək, bəzi tədbirlər isə qədim şəhərin müxtəlif məkanlarında, açıq havada keçiriləcək.
Oxucular kitabları müxtəlif endirimlərlə əldə etmək imkanı qazanacaqlar.
Sərgidə tanınmış xarici yazıçıların iştirak edəcəyi də gözlənilir.
