Rusiyanın paytaxtı Moskvada yerləşən gecə klubunda insan izdihamının üzərinə “yağış” şəklində milyonlarla rubl pul səpələnib.
Bu barədə Rusiya yerli telekanalların birində videogörüntülər paylaşılıb.
Uvertura.az xəbər verir ki, rusiyalı bloqer Mellstroy (Andrey Burim) Moskvanın mərkəzindəki klubda təxminən 7 milyon rublu (129 min manata yaxın) səpələyib. Əvvəlcə qonaqların başına “pul yağıb”, şənliyin sonunda isə bloqer bütün stolların pulunu ödəyib.
“Telegram” kanalın daha əvvəl yaydığı məlumatda bildirilib ki, Mellstroy Moskvaya gələndən sonra bir neçə dəbdəbəli avtomobil alıb. O, Moskvanın mərkəzindəki dayanacaqda “BMW M5 Competition”, “Lamborghini Huracan”, “Bentley Mulsanne”, “Ferrari” və “Hummer” avtomobillərinə baxış keçirib. Bloqerin sözlərinə görə, bütün bu avtomobillər ona 170-180 milyon rubla (3 milyon manatdan çox) başa gəlib.
